Прынялi удзел у свяце журавiн майстры з Цэнтра дзiцячай творчасцi
05.11.20184 лістапада, у пяты раз свята ў гонар журавін адбылося ў вёсцы Альманы. Цяпер яно стала міжнародным.
Святочная праграма пачалася з харэаграфічнай кампазіцыі “Я збіраю журавіны” і тэатралізаванага шэсця ў накірунку святочнай сцэны. Балотная Гаспадыня, Журавінавы Кароль і Каралева, Альман і Альманка віталі альманцаў і гасцей фестывалю.
Танцы, песні, частаванне стравамі з журавін, выставы-продажы вырабаў самадзейных майстроў, выставы бібліятэк, творчых гурткоў, сельвыканкамаў, цэнтра турызму, заказнікаў “Сярэдняя Прыпяць” і “Альманскія балоты” і іншыя працавалі на працягу фестывалю. Творчыя калектывы Століншчыны, а таксама іншых рэгіёнаў Брэстычны, Украіны і Польшчы падтрымлівалі святочны настрой.
Удзел у свяце таксама прынялі педагогі Цэнтра дзіцячай творчасці. Культарганізатар Гудная А. В. сыграла Альманку, адну з галоўных роляў у тэатралізацыі і правяла гульнявую праграмму для дзяцей. Легкая В. М. і Санюковіч М. С прынялі удзел у выставы вырабаў майстроў. А вось Крук А. Д. з дапамогай аквагрымму змагла перадаць усім жадаючым яшчэ больш святочны настрой.
Па заканчэнні фестывалю усе удзельнікі свята атрымалі Дыпломы за удзел у Міжнародным “ Фестывалі журавін”.