Абласны піянерскі збор
19.10.2015Рэха падзеі
На абласным піянерскім зборы
На абласным піянерскім зборы “ПіянерыіБеларусі - 25!” , які адбыўся 15 верасня 2015 года, Столінскі раён прадстаўляла піянерская дружына “Республика «Дружба» сярэдняй школы № 2 р. п. Рэчыца пад кіраўніцтвам педагога-арганізатара Алены Вітальеўны Сахвон і метадыста Столінскага раённага цэнтра дзіцячай творчасці Ніны Канстанцінаўны Пульман. Ад піянерскай дружыны на абласны збор накіраваліся 10 піянераў і 10 акцябрат.
- У піянерскім зборы, прысвечаным 25-годдзю Беларускай рэспубліканскай піянерскай арганізацыі прынялі ўдзел піянерскія дружыны Брэсцкай вобласці і г. Брэста, - расказвае Ніна Канстанцінаўна Пульман. - У Брэсце сабраліся самыя актыўныя піянеры і акцябраты. На базе Брэсцкага абласнога цэнтра маладзёжнай творчасці на працягу ўсяго дня працавалі тэматычныя выставы "Калейдаскоп ідэй", “Юны выратавальнік”, “ЮІР”, сувенірны кірмаш, розныя гульнявыя пляцоўкі. Таксама для рабят правялі забаўляльна-пазнавальныя акцыі супрацоўнікі МНС і актывісты БРСМ.
Гледачам была прадстаўлена канцэртная праграма ў рамках візітнай карткі”Маленькія зорачкі вялікай краіны”. Акрамя таго, дзеці з усіх піянерскіх дружын ва ўзросце 7-10 гадоў паспаборнічалі ў фінале абласнога конкурсу акцябрацкіх груп "Суперзорачка". Для каманд прыгатавалі пяць заданняў у выглядзе квэста “Пяць вяршынь”. Каманды спаборнічалі па выкананні заданняў у пяці пунктах рознай ступені цяжкасці - “Вясёлыя рабяты”, “Спартыўныя рабяты”, “Дружныя рабяты”, “Разумныя рабяты” і “Таленавітыя рабяты”. У прыватнасці, удзельнікам трэба было адгадаць і праспяваць папулярныя дзіцячыя песні, прабегчы эстафету, скласці пазлы, адказаць на бліц-пытанні, зрабіць сваімі рукамі віншавальную паштоўку. З усімі заданнямі акцябраты павінны справіцца разам і як мага хутчэй. За перамогу ў кожным конкурсе акцябраты атрымлівалі зорачкі. Каманда, якая сабрала найбольшую колькасць узнагарод і прызнаецца пераможцам спаборніцтваў. Каманда нашага раёна была ўзнагароджана ганаровай граматай за актыўны ўдзел у дадзеным мерапрыемстве.
На піянерскім зборы працавала палявая кухня, таму нашы дзеці з задавальненнем адведалі салдацкай кашы. Завяршылася свята піянерскім вогнішчам, якое сімвалізуе вернасць сяброўству.
Па словах Алены Вітальены Сахвон,удзел у такім мерапрыемствем садзейнічае фарміраванню актыўнай і адказнай пазіцыі членаў піянерскай дружыны, развіццю лідарскага патэнцыялу, бо тыя піянеры і акцябраты, якія прадстаўлялі піянерскую дружыну, сваю школу ды і ўвесь раён на абласным піянерскім зборы, захаваюць у памяці на доўгія гады тыя ўражанні, з якімі яны прыехалі з мерапрыемства.